Sambutan Boso Jowo
Para pinisepuh, sesepuh, aji sepuh ingkang hanggung mastuti dumateng
pepoyaning kautaman ingkang pantes pinundi-nundi
Dumateng para alim poro ulama ingkang rinten dalu tansah sumanding
kitab suci wahyuning illahi minangka panuntun kiblating panembah ingkang satuhu
luhuring budi
Para panemban panembaning praja satriyaning nagari ingkang minangka
dados pandam panduming kawula dasih ingkang satuhu pantes lamunto sinudarsana
Dumateng para sarjono,poro sujono sujananing budi ingkang sampun
wenang hanampi wahyuning kasutapan ingkang satuhu bagyomulyo
Ingkang hamengku gati nuwun inggih panjenenganipin Bapak … ingkang
tansah winengku ing karaharjan
Para rawuh kakung sumawono putri undangan ingkang kinurmatan
Langkung rumiyin mangga kulo dherekaken sesarengan minongko pujo bekti
wonten ngarsa dalem Allah SWT awit inggih saking keparingipun, panjenengan lan
kulo taksih pinaringan rahmat taufik hidayah saha inayahipun satemah saget
ngrawuhi hajat soho undanganipun bapak……….
Mugi mugi purwo madyo wasanaipun tansah pinaringan kawilujengan soho
kabagusan kanthi ucapan hamdalah sesarengan.
Saklajengipun sholawat soho salam ugi kunjuk dumateng nabi agung
muhammad SAW ingkang sampun ndherekaken panjenengan lan kulo saking jaman
jahiliyah dumugi jaman ingkang terang benerang sakpunika. Sumonggo kito
sesarengan nyinuwun kanthi pangajab mugi mugi kito sedoyo ingkang rawuh wonten
mejelis punika pikantuk safaatipun wonten yaumul kiyamah benjing.
Poro bapak poro sedherek inkang tansah winengku ing karaharjan.
Kulo moningko sesulih saking keluarga
Ngaturaken gunge panuwun ingkang tanpo piwates dumateng kerawuhan
panjenengan sedoyo wonten acara dalu punika,mugi-mugi rawuhipun panjenengan
sedoyo dipun catet dening ngarsanipun Allah SWT kanthi amal ingkang sae.
Saklajengipun keluarga ….. ugi ngaturaken pangapunten dumateng
panjengan sedoyo menawi wonten perihal inkang mboten mranani penggalih ingkang
arupi suguh, lungguh ugi ewuh
Tidak ada komentar:
Posting Komentar